لما الدكتور يقول........؟ [الأرشيف] - منتديات الانبا مكاريوس

مدحت

06-Aug-2008, 10:41 PM

طبعا محدش فينا يقدر ييعيش من غير الدكاترة

مع الاعتذار لجميع الدكاترة..........

لما الدكتور يقول

الموضوع ده ما يستناش لازم نتصرف فيه فورا

يبقى قصده

لازم نلحق نعمل عليك شغل لأن لو استنينا هو هيخف لوحده وتضيع علينا الفرصة!!

لما الدكتور يقول

ايه تاريخك المرضى؟!!

يبقى قصده

عايز لأعرف أسامى الدكاترة اللى كنت بتتعمل معاهم علشان أعرف انت دفيع ولا.....!!!!

لما الدكتور يقول

استعمل الدواء ده وعدى عليا بعد بكرة

يبقى قصده

ده دواء لا بينفع ولا يضر تعالى لى بعد يومين أكون سألت حد بيفهم!!

لما الدكتور يقول
أشوفك بعد عشرة أيام

يبقى قصده

علشان تدفع كشف جديد انت مش قرأت اليافطة وانت داخل مكتوب عليها"الاستشارة فى خلال أسبوع من الكشف"!!

لما الدكتور يقول
فى عندى خبر وحش وخبر كويس:عندك مرض خطير بس لو مضيعناش وقت ممكن نعالجه

يبقى قصده

الخبر الكويس انى أخيرا هشترى عربية مرسيدس والخبر الوحش انك هتدفع تمنها!!

لما الدكتور يقول
احنا هنتابع تطورات الحاله أسبوع كمان قبل ما نقدم على أى اجراء

يبقى قصده
الصبر طيب يمكن البلوة دى تتحول لحاجة نعرف لها علاج!!

لما الدكتور يقول

انت محتاج تعمل شوية تحاليل

يبقى قصده

من الآخر أنا مش عارف انت عندك ايه يمكن الواد بتاع المعمل يعرف ينورنى!!

لما الدكتور يقول

اعمل التحاليل فى المعمل ده أنا بثق في النتائج بتاعتهم

يبقى قصده

بيدفعولى عمولة 40% من تمن التحاليل!!

لما الدكتور يقول

أنا هحولك على أخصائى يشوف حالتك أحسن منى

يبقى قصده
انت صحتك زى الفل بس الراجل ده مزنوق فى قرشين وواجب ننفعه!!

لما الدكتور يقول

أنا هوصفلك دواء جديد ممتاز

يبقى قصده

هجرب فيك الدواء ده أنا محتاج حالات أعمل عليها البحث بتاع الترقية!!

لما الدكتور يقول

صحتك زى الفل

يبقى قصده

حاجة تزعل فعلا يعنى هدفع القسط بتاع الفيللا منين ياربى!!

لما الدكتور يقول

اذا الأعراض دى ما اختفتش خلال اسبوع عدى عليا تانى

يبقى قصده

الحالة بتاعتك مقرفة قوى لحسن الحظ أنا الأسبوع الجاى فى مؤتمر برة!!

لما الدكتور يقول

المضاد الحيوى ده ممتاز جدا مع انه غالى شوية سيبك من البديل الرخيص بتاع زمان بقى غير فعال

يبقى قصده

مندوب المبيعات بتاع الشركة لسة خارج من عندى ومدينى شنطة دعاية جلد تجنن

randa

06-Aug-2008, 11:48 PM

هههههههههههههههههههههههههههههههههههه

الدكاترة اللى فى المنتدى هتقطعك يا مدحت

eng_gegy

07-Aug-2008, 02:50 AM

هههههههههههههههههههههههههههه

هتموت النهردة يا مدحت الحق استخبى من الدكاترة

مريم جمال

07-Aug-2008, 09:44 AM

برافو يا مدحت عملت للدكاترة دعايا تجنن
كده محدش هايروح يكشف خالص
انصحك تفتح مكتب دعايا واعلان

مدحت

07-Aug-2008, 07:46 PM

انا قلت مع الاعتذار لجميع الدكاترة..........

يبقى محدش يزعل

واحنا لو فكرنا شوية هنلاقى انا الكلام دة صح 100/100

اكتر ناس فعلا بيستغلو الظروف وبيلعبوها صح

بس على فكرة مش كلهم لكن معظمهم

انا متشكر ليكى يامريم على نصحتك الحلوة بس انا فعلا شغال فى الدعاية والاعلان

صلو ليا كتير

samba

11-Aug-2008, 01:08 PM

احسن ناس بتنصب بتاعوا الدعاية والاعلان مع اسفى وشكرا

randa

12-Aug-2008, 10:37 AM

احسن ناس بتنصب بتاعوا الدعاية والاعلان مع اسفى وشكرا

شكرا مايكل على الرد اللى لا يليق بينا كاخوات

متزعلش يا مدحت

eng_gegy

12-Aug-2008, 06:49 PM

يا جماعة الموضع يعد هو مايكل ميقصدش هو مايكل كان قصدة يهرج بس
معلش متزعلش يا مدحت احنا اخوات منزعلش من بعض